TODOTRUCAZOS – HENRIKO

#todotrucazos é un espectáculo de malabares e humor cheo de ritmo. A historia dun artista de circo que decide voltar aos escenarios e retomar o espectáculo individual que tiña xunto ao seu irmán na súa mocidade (The Jazzgling Brothers). O artista está nervioso ao seu regreso, un pouco oxidado se cadra. Por riba, semella que o seu es¿tilo e gustos musicais quedaron algo desfasados. Pero este showman demostra que aínda está en boa forma realizando trucazos, facendo honor ao hashtag que decidiu como título do seu espectáculo, nun intento de se adaptar aos novos tempos. Todo isto acompañado dunha banda sonora de grandes clásicos (James Brown, Aretha Franklin, Blues Brothers...).