Todas temos a mesma historia – LaGriot'te

Tres mulleres, tres épocas... pero unha mesma historia que parece repetirse. A través dos monólogos cómicos de Darío Fo e Franca Rame, `Todas temos a mesma historia¿ une tres épocas e tres xeracións para amosar, con humor salvaxe e moita lucidez, que a loita pola igualdade muda de roupa pero non de fondo de armario. A avoa nos anos 60 vive feliz sendo ama de casa: ou iso di ela. Convertendo o fogar na súa burbulla. A nai nos 80 xa é unha muller moderna: traballa na conserveira, cría a súa filla pero fai malabares coa conciliación. E a filla nos 2000 xa naceu libre, emancipada e empoderada, ata que se deita co seu noivo e descobre que o patriarcado segue suando e roncando.