SOLO – ROI BORRALLAS

Solo é un espectáculo onde se combinan monicreques, manipulación de obxectos, máscaras e sobre todo comicidade. Ideal para localizacións íntimas tanto en exterior como interior. Un espectáculo onde a cuarta parede está representada por un marco de espello que separa ao artista da audiencia. A través do cal poderán ver a este personaxe dando renda solta á súa imaxinación. Coreografías faciais, máscaras con escuma de afeitar, óperas épicas¿ son algunhas das ferramentas que utiliza esta peza para, a través do humor, falar da soidade e das máscaras que todos nos poñemos a diario.