SEGUIMOS DE RONDA – TUNA DE VETERANOS DE A CORUÑA

O espectáculo realizado pola Tuna de Veteranos está caracterizado polas notas distintivas e propias dunha agrupación musical moi coñecida na nosa cultura tradicional e popular, como é a Tuna. O noso repertorio abrangue un amplo número de composicións, desde as clásicas cancións de tuna, ata boleros, música tradicional galega, música sudamericana e temas musicais de sempre. Son moi características nas nosas actuacións non só o tipo de cancións que interpretamos, senón tamén a posta en escena, a indumentaria e disposición no escenario, así como a interacción co público, a quen con frecuencia se lle solicita a súa participación activa, o que aumenta o seu grao de implicación e disfrute.