Pra Lampai hei de ire – A Requinta de Lampai

O noso grupo recupera a esencia da música tradicional de Lampai e da Ulla da man do seu instrumento máis senlleiro: a requinta, un tipo de frauta traveseira única no mundo e circunscrita só á comarca natural do río Ulla. O noso espectáculo comprende pezas recollidas en Lampai e na Ulla, tanto para bailar o solto como para botar unhas cantigas. As letras das nosas cancións están recollidas directamente ás informantes de Lampai.