O tranvía Leonardo – INACIO VILARIÑO

O tranvía Leonardo é un espectáculo de narración oral para a infancia con marionetas e música no que se conta a historia do primeiro tranvía a vapor de Galicia que, como era lento, sucio, pequeno, estreito e descarrilaba a miúdo, foi motivo de mofa e protagonista de innumerabeis cancións e anécdotas. Pepe Tafall, xefe do tranvía de Marín a Pontevedra e, ademais, cómico amador e dramaturgo, conta a historia do tranvía Leonardo e dalgunhas das anécdotas máis simpáticas dos seus tripulantes e dalgúns dos seus pasaxeiros máis famosos: Xosé Echegaray, o médico Guillermo, a cega Morcega, a mestra Trini Trapa e o ¿loro Ravachol¿.