O SHOW DO RUÍDO – A BANDA DO VERÁN

O doutor Vladimir Ruidovich, un excéntrico inventor e experto mundial en sons raros abre as portas do seu laboratorio ao público. El é un arqueólogo de sons, mais tamén é un músico que fae cancións con estes sons. Vladimir intentará coa axuda dos nenos e nenas, atopar novos sons e ruídos que poida incorporar á súa inmensa biblioteca. Pero non ou fará só, pois contará coa axuda dos seu peculiar axudante, Mister Botons, encargado dos botóns e cables e un gran percusionista. Ao longo deste espectáculo cheo de interacción e moita música, nenos e nenas convértense en protagonistas, participando activamente cos seus propios ruídos.