O PROCESO – MALASOMBRA

O proceso reflexiona, e invita a reflexionar, nunha das súas tramas principais, sobre as vicisitudes que tivo arrostrar a fala popular galega nos primeiros momentos nos que, no Rexurdimento, algunhas figuras senlleiras, no caso da nosa peza Curros Enríquez, reivindicaron esa fala e reclamaron para ela un estatus de lingua de cultura, de lingua normalizada no seu uso e na súa consideración. Neste sentido O proceso sitúase nun momento histórico crepuscular, o do alborexar dunha nova conciencia para o galego. Desde aí dialoga coa actualidade dun momento histórico tamén crepuscular, o do aparente e ameazante atardecer no camiño da normalización da nosa lingua, un camiño no que en certa maneira s