O cancioneiro galego fonte dunha lingua viva – Grupo Vocal e Instrumental Atlántico

Sendo conscientes da inquietude pola lingua galega e a súa evolución, o Grupo Vocal e Instrumental Atlántico acordou organizar un proxecto de carácter interdisciplinar denominado ¿O Cancioneiro galego, fonte dunha lingua viva¿. Con este proxecto preténdese fundir a lingua, a literatura, a historia e a música. Esta actúa como fío condutor, como un vehículo de identidade, de memoria e tradición oral onde as letras das cancións e os ritmos populares se enlazan coa poesía e a narrativa para preservar e transmitir a historia e os valores do pobo, creando un patrimonio colectivo único coa intención de conectar coa raíz.