NOSO – OS NÁUFRAGOS TEATRO

Nicolás reúne a súa familia para despedir o espazo que os viu crecer: a casa familiar cun vello ultramarinos bar que rexentaban seus pais e onde agora vive con María, a súa parella. A expropiación do lugar por causa da construción dun parque eólico é o motivo da xuntanza.Aas lembranzas do pasado, as relacións entres irmáns e a necesidade de mirar cara ao futuro fan da nova produción de Os Náufragos Teatro en colaboración coa AGADIC unha dramedia familiar que fala do noso desde o rural deshabitado e mobilizado contra os parques eólicos.