MEIGA BELMONTE: BRUXA EN PRÁCTICAS – JOSE RIVERA

¿Meiga Belmonte, bruxa en prácticas¿ é un espectáculo de maxia teatral pensado para público familiar, no que a fantasía, o humor e a participación se mesturan cunha mensaxe clara a favor da igualdade e da diversidade, todo desde unha firme aposta polo uso e a normalización da lingua galega.A protagonista, a Meiga Belmonte, é unha aprendiz de bruxa algo despistada pero moi decidida, que está a piques de rematar a súa formación máxica. Coa axuda do público ¿que se converte en alumnado da súa peculiar escola de maxia¿ irá superando probas, lanzando feitizos e resolvendo situacións inesperadas a través de xogos máxicos cheos de humor e sorpresa.