Maxia de rúa – Joshua Kenneth

A maxia de rúa con Joshua Kenneth é unha proposta apta para todos os públicos. Neste espectáculo cheo de humor e maxia o ilusionista guiri-galego Joshua Kenneth achega unha selección de impactantes números de poesía visual, mentalismo, prestidixitación¿ utilizando obxectos da nosa vida cotiá. Misterio mesturado cun pouco de historia do ilusionismo: unha experiencia interactiva, divertida e artística que convida ao público a entrar nun mundo onde todo pode ser transformado.