L.E.D. (Levitación Escapismo Desaparición) – O Mago Antón

Este Nadal, a maxia ilumina Galicia co novo espectáculo do Mago Antón: L.E.D. (Levitación, Escapismo e Desaparición). Esta proposta nace para converter cada concello nun escenario de asombro e ilusión para todos os públicos. No interior do emblemático Magomóbil, os espectadores vivirán unha experiencia única a través de cinco funcións diarias (de 1 hora de duración cada función), onde o espírito do Nadal se funde cos efectos máis impactantes do ilusionismo. Entre luces e sombras, o Mago Antón guiará á audiencia por unha viaxe onde o imposible se fai real, demostrando que a verdadeira luz do Nadal reside na capacidade de volver a emocionarnos co asombro.