INGRÁVIDA – MERCEDES PEÓN

Ingrávida é unha celebración para a que Mercedes Peón se rodea de mulleres ás que admira, músicas que beben da tradición cultural mais que tamén aportaron novas olladas nas súas músicas. Un traballo coral centrado na figura de Mercedes Peón acompañada polo Dúo Caamaño & Ameixeiras, o grupo de voces líricas "Galíricas", os grupos Raigañas de Cerqueda e Xirifeiras, Mónica de Nut, Ana Fernández e Laura Iturralde coas proxeccións en directo.A cabalo do acústico e da electrónica, Ingrávida é unha festa de celebracióndesta efeméride e unha homenaxe a persistencia da creación colectiva, que é un xeito de mirar o mundo.