Fiadora de Soños – O Baúl da Tía Tola

Unha inventora gruñona e unha rapaza chea de vida coñécense grazas a unha máquina moi especial chamada Fiadora de soños. Esta máquina fabrica cintas para soñar bonito. Xuntas forxan unha curiosa e bonita relación de amizade¿ ¿Pero cando a rapaza descobre que a cinta funciona tamén cando está esperta... todo cambia. Unha historia divertida e emotiva sobre a amizade, a imaxinación e o perigo de perderse nos soños se esquecemos vivir. Unha metáfora sobre o uso e abuso das pantallas, contada con humor, poesía e moita artesanía escénica. Un espectáculo de teatro familiar creado dende o cariño, con escenografía feita a man, moito mimo nos detalles e un fondo que dá que pensar sen dicir que facer.