DANZACONTOS: “A marabillosa viaxe da pinga Pingona” – Laura Martínez Rey (@removecorpoemente)

Unha espelida pinga de chuvia chamada Pingona, fai unha parada no camiño das nubes ó mar, para axudar ó Polbo Xan na procura de algo moi especial por mar e terra. Acompañaremos a estes amigos nunha fermosa historia de empatía, escoita, comprensión e amizade, mentres exploramos elementos do mar, o ceo, a terra e o ciclo da auga. Sendo ondas ou chuvia, enchéndonos das cores do arco da vella, converténdonos en animais e bosques, respirando, bailando, cantando e trotando, descubriremos un fermoso amor sen fronteiras.