Cuarteto tradicional de gaitas – Gaiteiros Fiúncho

Fiúncho é un cuarteto de música tradicional galega afincado en Fene formado no ano 1999. Os catro son excompoñentes da banda de gaitas tradicional Airiños de Fene, da que formaron parte dende que eran moi novos. Co paso do tempo, deciden apostar pola creación dun cuarteto tradicional no que continuar coa súa paixón pola música. A proposta musical pasa por temas tradicionais así como tamén de autor. Muiñeiras, xotas, pasodobles... compoñen un repertorio variado e moi entretido para o público.