COSTUREIRIÑA BONITA – A COVA DAS LETRAS

Costureiriña Bonita é un espectáculo que combina a maxia do xogo coa saudade dos tempos idos, un canto á muller galega modista, emigrada que procurou nas feituras un xeito de facer a vida.Unha peza apta tanto para exterior como interior, Costureiriña Bonita é interxeracional, onde grandes e pequenas desfrutan da música, títeres e lendas, a través dunha participación activa. Ao ritmo frenético da máquina de coser prepáranse os traxes que serven de inspiración para deixar voar a imaxinación.