CONCERTO BANDA DE MÚSICA – BANDA DA ESCOLA DE MÚSICA DE RIANXO

Concerto para Banda de Música Ofrecemos un concerto de 70 minutos de duración, deseñado con coidado e poñendo en valor especialmente aquelas composicións de orixe galega ou de autoría galega. Neste programa, combinamos a rica tradición musical galega con pezas contemporáneas que amosan a versatilidade e o talento da nosa banda. Adaptamos o repertorio para axustarnos a diferentes eventos, especialmente en romarías e festas, onde incluímos unha selección de pezas bailables que aportan un toque único. O noso obxectivo é crear un ambiente festivo e participativo, engadindo un compoñente lúdico que fai de cada celebración unha experiencia inesquecible.