CINCO RATIÑOS DE CONTO. TEATRO PARA BEBÉS – MIGALLAS TEATRO

Na aldea do queixo fresco cinco ratiños de conto cantan cancións e escoitan divertidas historias. Xoga con eles e descubrirás a que sabe a Lúa e onde vive a ratiña máis presumida do mundo. Cancións, sons, luces, olores e texturas apoian as escenas e captan a atención dos nenos e nenas nunha proposta sinxela e divertida para gozar en familia. Unha actividade na que os bebés compartirán con aquelas persoas que os coidan un momento de pracer, lonxe do ruído e dos quefaceres cotiáns espertando xa nos seus primeiros anos de vida un interese polo teatro, a literatura e a tradición oral.