Chuches Amil eléctrico – Chuches Amil

Chuches Amil é un proxecto musical para toda a familia co ánimo de fornecer aos cativos e cativas de Galicia dun acervo cultural en galego, con visos de contemporaneidade e universalidade que poña en valor aspectos fundamentais como o respecto, a solidariedade, o esforzo ou a non violencia, sen descoidar o aspecto lúdico do baile e a diversión en familia. Fran Amil instrumentaliza este concerto con voz, percusión electrónica e guitarra acústica en directo e con bases pregravadas. Un espectáculo novedoso e axeitado para espazos pequenos e medianos. Diversión garantizada!