CHISTES QUE FORON CONTOS – AVELINO GONZÁLEZ

Moitos dos chistes que se contan agora foron contos hai tempo. E en todas partes hai moito que contar. Rabuñando un pouco, en todas partes saen personaxes pintorescos ou importantes, lendas de mouras e tesouros, anécdotas e sucedidos tráxicos ou cómicos ou amorosos. Pra esta sesión de contos fago unha busca e recolla en libros, literatura local, blogues, páxinas web como www.galiciaencantada.com ou http://patrimoniogalego.net/ e tamén na toponimia e o vocabulario do lugar onde se conte. E así, créase un repertorio no que se poderá recoñecer o lugar e a xente. Estas historias poderían ser argumentos de series de televisión, pero non saen nas series de televisión. Así que... imos contalas!