Benofán en concerto – Benofán Charanga

Concerto de música tradicional galega por parte de Benofán, unha charanga formada por rapazas e rapaces de Calo (Teo), que mestura a nosa música de raíz coa sonoridade das murgas e orquestas do pasado século. Dende a xota e a muiñeira ata a rumba e o fox-trot, este conxunto con ampla traxectoria musical malia a súa corta idade tenta levar por todo o país o repertorio herdado, mais tamén o propio de nova creación.