As Caldupeiras – As Caldupeiras

No camiño de Santo André de Teixido, entre os concellos de Valdoviño, Cedeira e Cerdido atopámonos coa aldea de Porto do Cabo, onde había diferentes hospedaxes para romeiros como o Hospital de peregrinos Casa da Bastona. Aquí, facían unha das últimas paradas antes de chegar a Santo André. Ata hai 50 anos, nesta aldea, vivían e traballaban unhas mulleres, as Caldupeiras, que vendían caldo, ó lado da ponte, aos romeiros a cambio dun patacón. Estes homes e mulleres proviñan de diferentes zonas de Galicia así como do resto de España e Portugal. Neste espectáculo, a través da mirada das Caldupeiras, adentrarémonos na música tradicional do territorio galego.