As armadanzas do Courel ao Condado – As Armadanzas

Neste caso Matilde é unha moza do Courel e Xan un mozo do Condado, eles serán o fío que nos leve por distintos bailes, baseados na tradición pero actualizados e teatralizados. Os asistentes van divertirse bailando e cantando en galego pezas do repertorio tradicional da nosa terra. Os temas que forman parte desta proposta son todos eles recollidos de persoas de idade polas aldeas de Galicia. Eran as cantigas, os bailes e xogos que lles aprenderan os seus maiores e cos que se divertían facendo máis levadeira a súa vida cotiá. Ao mesmo tempo decatarémonos da riqueza da nosa lingua coas súa variantes e daremos continuidade ao noso patrimonio cultural.