AIELÉ. DE COLO EN COLO, DE CANCIÓN EN CANCIÓN (FORMATO dúo) – GOLFIÑOS

Aielé. De colo en colo e de canción en canción é un encontro musical agarimoso para nenas e nenos de 2 a 7 anos e as súas familias. Unha viaxe musical chea de pequenas emocións onde a música, o xogo e a palabra van da man para crear un tempo compartido entre as familias. Aielé é unha caricia musical, un intre de calma e alegría. Un espectáculo para cantar, rir e sentir, onde as familias descobren novas maneiras de xogar coa música e levar para casa unha maleta imaxinaria chea de melodías, xogos e sorrisos para seguir compartindo na casa.