A todo filispin – Pandeireteiras Sen Fronteiros (Pan Sen Fron)

O grupo Pandeireteiras Sen Fronteiros (Pan Sen Fron) procura recuperar a sonoridade da Galiza máis arcaica a través das súa música de raíz; e a partir de aí, ofrece unha viaxe por outras tradicións que teñen a pandeireta como alicerce nas súas músicas populares. O repertorio é froito de anos de investigación, entrevistas e traballo de campo, por todo o ámbito xeográfico galego e comunidades raianas. En menor medida, tamén hai repertorio incorporado a partir da exploración das tradicións orais de todo o mundo a través da propia, procurando similitudes co folclore doutros pobos e lugares.