A FEIRA DAS LINGUAS – LYDIA BOTANA

Atopámonos nunha feira pouco común, un mercado ambulante concorrido onde as linguas eran a principal atracción. Bolboreta, unha música nómade políglota que viaxara polo mundo cantando, tiña curiosidade por ver que vendía o vendedor desta peculiar feira das linguas. Conversaron en francés, italiano, inglés, latín e incluso falaron sobre o esperanto cunha canción. Unha vibrante sinfonía de linguas na que, non obstante, escoitamos o silencio ensordecedor dunha ausencia: a da nosa propia lingua. Pois o galego non estaba á venda.Comezamos unha viaxe pola historia de Galicia a través da música, cun toque de humor, xunto a diversas reivindicacións, moitas risas e emocións.