Rosalía Cantareira – Jara Ortiz

Obradoiro concerto-didáctico e participativo onde coñeceremos algúns dos poemas de Rosalía de Castro. Porase en valor a faceta máis descoñecida e interesante da poeta, ela tamén era música! Creaba as súas propias composicións e inspirábase na música popular e tradicional do país para facer as súas obras. Aprenderemos a procedencia dos diferentes ritmos da nosa música tradicional galega como a muiñeira, a xota ou a rumba a través da pandeireta. As cantigas interpretadas serán poemas de Rosalía de Castro escollidos, adaptados ou musicados por Jara Ortiz.