DANZACONTOS: “Aventura celta: A chegada da loba branca” – Laura Martínez Rey (@removecorpoemente)

En tempos celtas, no Castro de Lobosandaus, unha nena, Alana, e un neno, Brate, aprenderán a escoitar á natureza e vivirán unha aventura máxica e emocionante, xunto a dous inseparables amigos: un leirón careto e unha pequena e misteriosa loba branca que acaba de chegar ó bosque. Nunha das súas saídas nocturnas descubrirán un camiño cheo de emocións, incerteza, confianza, valentía e solidariedade, que os levará a unir a todo o pobo coa fin de protexer o seu castro do maior temporal da súa historia. Unha viaxe a través dos bosques e a cultura celta, sendo árbores, follas e vento, o lume e o río, lobas e leiróns, pobo que traballa e celebra... escoitando, cantando, contando e bailando.