Lúa Triangular. Nada é imposible – Jara Ortiz

Espectáculo de contacontos musical, baseado no libro Marta e a píntega da autora Eli Ríos, onde a nena Marta coñece á píntega Oli e xuntas viaxan ao Mundo dos Contos, onde vivirán um montón de aventuras e transformarán o mundo nun lugar mellor, cheo de diversidade e máis xusto, onde sexamos iguais e as princesas dos contos poidan ser felices, creando e visibilizando as súas propias historias. O público participará de maneira activa e creativa a través das cancións, viaxando da man da voz e a percusión de Jara Ortiz, nunha mestura de música e teatro onde o humor, a literatura, a muiñeira e a perspectiva de xénero tamén son protagonistas, porque nada é imposible!