HABÍA UNHA VEZ… TRES! – ARTESTUDIO TEATRO

Nesta proposta titulada Había unha vez¿ tres!, reúnense tres dos máis recoñecidos contacontos de Galicia (Caxoto, Charo Pita e Ramiro Neira) co obxectivo de crear un espectáculo conxunto de narración oral. A través da palabra, da voz e da presenza escénica, constrúese unha proposta coral na que cada narrador achega o seu estilo propio, enriquecendo o resultado final cunha ampla diversidade de rexistros e linguaxes expresivas.O espectáculo articúlase arredor de diferentes temáticas, que poden ser adaptadas ás necesidades específicas das programacións culturais, así como ás distintas franxas de idade do público destinatario.