JASTAC JAPI JOLIDAIS – LETI DA TABERNA

Ata que punto disfrutamos do tempo de lecer? Vivimos como desexamos? Pasamos once meses ao ano ansiando as vacacións? Realmente desfrutámolas? Viaxamos por pracer ou postureo? Cal e o prezo da turistificación? As respostas a todas estas preguntas e moitas máis están no novo espectáculo de Leti Da Taberna. Un espectáculo no que a humorista dá un enorme paso adiante; ademais de morrer de risa, poderemos ver momentos da comedia física, unha escenografía ben resolta e un espazo sonoro que te vai facer sentir no teu resort soñado. Prepara a túa cámara selfie e abre as túas redes sociais, marchamos de viaxe con JASTAC JAPI JOLIDAIS e as risas están incluídas no pack!!!