OH! – ASSIRCÓPATAS

Un espectáculo visual no que a música se une ó mellor circo dun xeito único. Unha viaxe para toda a familia que mistura o clown, a música, os equilibrios e os malabares. Unha viaxe no que facer unha pausa. Houbo unha vez un barco que quedou varado nunha praia. Como unha balea que leva alí tanto tempo que xa perdeu a conta. Nesa libraría itinerante hai alguén que leva moito tempo. Unha libraría, un barco, unha balea...unha escena que se transforma, como un soño, en todo o que poidas imaxinar. Unha libraría que muda levándonos a diferentes universos entre a risa, a sorpresa,.. a emoción!