Asacocirco show – Asacocirco

Un espectáculo para todos os públicos que nace da loucura e da idiotez dos seus protagonistas. Mirroska e Juanito, son os dous clowns deste divertido mini circo. Mirroska, explosiva e provocadora nata, fai da ironía o seu medio de expresión. Juanito, este neno grande, é un cóctel de técnica e humor. Da fusión destes dous pallasos co público créase a maxia do teatro de rúa, con gargalladas aseguradas. Combinan humor e destreza física a partes iguais, todo con moita técnica, ritmo e poucas palabras. Un xogo cómico no que o espectador se sentirá moi implicado e no que sempre hai lugar para a sorpresa.