ESTACIÓN NADAL – MAMÁ CABRA

Contan que só hai 4 estacións: primavera, verán, outono e inverno. Pero é mentira. Hai una máis e chámase Estación Nadal. É a máis divertida do ano, porque é tempo de agasallos pero tamén de cancións e de vacacións e de galdrumadas e de... en fin, de todas as cousas boas que ten a vida.Mamá Cabra cántalle á Estación Nadal con 'Xa me tardan estes magos', co 'Apalpador', con Panxoliñas e co 'Rock do bacallau con coliflor' pezas recollidas nos dous albums-cd editados na colección Sonárbore da Editorial Galaxia: 'Estación nadal' e 'Xa me tardan estes magos'; as dúas publicacións de Mamá Cabra arredor do nadal e todo o que nel celebramos.