BAIXO OS REMENDOS, NÓS – ACORDEIRETA

`Baixo os remendos, nós¿, un segundo disco para segundas vidas. Patricia González (voz e pandeireta) e Alejandro Balbuena (acordeón) parten do remendo co obxectivo de concibir un álbum distinto e innovador, no que se sitúan, literalmente, debaixo das eivas e dos problemas diarios para coselos co canto e a música. Son eles, os remendos, os alicerces. Cos seus fíos preséntannos este novo traballo composto ao longo de varios anos, sen présa, ao son do corpo, nos Estudos Anxest, con Anxo Xesteira como encargado da gravación e a masterización. Este disco convértese nunha revolta, na que convive o social e a música tradicional, a poesía e a cultura popular, sempre da man