HORA ZULÚ – BÖJ

Gañadores dos premios Runas 2016 e Folkez Blai 2019 do Festival Internacional do Mundo Celta de Ortigueira. Böj é unha formación nada en Ferrol en 2002 que fai música irlandesa e escocesa cun toque galego, que achegan o son da gaita e a maneira particular de interpretar dos músicos de Galicia. O repertorio do grupo é moi variado, con pezas de composición propia e populares, de diferentes tradicións e folclores como o galego, asturiano, irlandés, escocés e bretón. Un cuarteto de folk instrumental composto por Fausto Escrigas: low whistle e bouzouki, Rubén Gómez: guitarra, Pablo Vergara: bodhram e Ricardo Mouriño: gaita galega, tin e low whistle e frauta travesera, que actualiza a música folk.