Emerxencias – Xoán Curiel

Trátase dunha proposta inmersiva, unha experiencia positiva e valorizadora para empoderar e dar voz a mozas e mozos que fan parte da expresión artística emerxente en lingua galega. A idea consiste nun concerto, mais tamén nun proceso que comezará cun obradoiro previo de creación de cancións. Algunhas das cancións creadas neste obradoiro serán cantadas no concerto por Xoán e/ou polas creadoras e creadores participantes. Deste xeito será tamén unha experiencia emocional positiva e socializadora que contará coa presenza e desfrute de amigos, familiares e demais público asistente ao concerto.