COA SAÚDE NON SE XOGA – ASOCIACIÓN CULTURAL E TEATRAL PEDROSO

Aínda que a saúde non é só cuestión de idade, é ben certo que co paso dos anos, acentúanse todo tipo de achaques e padecementos. Isto é un problema para a Seguridade Social, que ve como medra o gasto en coidados e servizos sanitarios. Por iso, canto máis alta sexa a media de idade máis difícil resulta xestionar o presuposto sanitario. Isto é precisamente o que ocorre nunha pequena vila do rural na que a maioría dos seus habitantes pasan dos 60 anos e reclaman a atención médica correspondente. Á Seguridade Social parécelle excesiva esta demanda, polo que designa a unha inspectora para esa vila coa intención de recortar gasto. Claro que...hai pacientes e pacientes.