DE VILATRISTE A VILALEGRE – TEATRO Ó CUBO

Trepas é o alcume dun habitante de Vilatriste enredado inesperadamente nunha singular aventura: salvar á vila das fauces dun malvado dirixente. Xunto a unha inusual superheroína descobren a fórmula para vencer ao seu inimigo pero... funcionará? De Vilatriste a Vilalegre é unha divertidísima creación de Teatro ó Cubo en coprodución co Centro Dramático Galego no seu 40 aniversario.Beatriz Vega encárgase do deseño e a plástica, Roi Vidal crea unha disparatada trama na que se mestura identidade rural galega, superpoderes e 40 anos do Centro Dramático Galego. O resultado é unha divertida peza de títeres a bordo da ¿Utópica Rodante¿, un vehículo que transportará o teatro ó teu concello.