Hugo – Os Náufragos Teatro

Hugo é diferente. Gústanlle moito os avións e tamén toca o piano. Laia visita a Hugo cada día. A Laia gústanlle falar e as plantas. Hugo ten TEA. A máis recente creación da compañía Os náufragos teatro é Hugo, unha peza teatral que aborda o tema do trastorno do espectro autista na infancia. Unha peza chea de sensibilidade e empatía que fala da da diversidade, da convivencia e da beleza de sermos diferentes.Hugo foi Premio María Casares ao mellor espectáculo para o público infantil en 2022, foi un dos espectáculo seleccionado en FETÉN 2022 e en Galicia Escena PRO 2022 e unha das obras recomendado pola rede de teatros vascos SAREA.