DE AQUÍ PARA ALÁ COAS EMOCIÓNS – LYDIA BOTANA

A bolboreta máis musical, aquela que viaxara de aquí para alá polo mundo adiante á procura da felicidade para o seu amigo africano, perdeu as cores das ás! Ao principio, non sabe que puido pasar, pero devagariño comeza a comprender as emocións que sente expresándoas a través da música. Deste xeito chegará a coñecerse máis a si mesma aceptándose en todas as súas versións sentindo tristeza, valentía, envexa, sorpresa, rabia, calma, amor, alegría e gratitude. Mediante ritmos e melodías, coñeceremos novos instrumentos musicais e bailes cos que seguiremos aprendendo diferentes linguas, cores e costumes de diversas culturas.Poderá Bolboreta recuperar todas as cores das ás nesta nova aventura?