Os contos de William Shakespeare – Pedras de cartón

Espectáculo de pequeno formato da compañía Pedras de cartón que mestura a comedia, o teatro de obxectos e a narración oral. A peza fai un percorrido polas obras máis coñecidas do dramaturgo inglés, adaptadas para toda a familia e cunha linguaxe máis próxima. Deste xeito, abórdanse tres dos textos máis recoñecidas do autor: Romeo e Xulieta contada con teatro de obxectos, Otelo convertendo as personaxes da obra nunhas rechamantes e coloridas letras; e Hamlet, contado en clave de comedia a partir dun peculiar xogo de cartas no que ninguén pode gañar.