As Fillas Bravas de Momán 2025 – CHÉVERE

As protagonistas do Día das Letras Galegas 2025 son as cantareiras e a poesía popular oral! E as Fillas Bravas, que levan xa dez anos espallando por todo o país as voces das cantareiras e a poesía popular, queren contribuír á festa. Con tal motivo, andan argallando algúns cambios para actualizar o seu recital, incorporando algunhas danzas que elas aprenderon de novas. E alá polo mes de maio xa o terán todo ben preparadiño para lanzarse de novo aos escenarios. Ademais, a editorial Kalandraka publicará nesa altura un libro cos textos de As Fillas Bravas de Momán e As Fillas Bravas e o mito de Casandra, dentro da súa Biblioteca de Teatro.