Historias de Bemol Pequeno – MÚSICA MIÚDA

Cun formato de contacontos musical, conta as historias dunha vila chamada Bemol Pequeno, pola que camiñan personaxes como a meiga Xela, o dinosaurio Pepón ou a Banda do Carballo. Todos os contos e cancións son de creación propia, e buscan ensinar á rapazada conceptos musicais básicos como o volume, as notas musicais ou as familias de instrumentos. A partir destas historias, publicouse o conto ilustrado ¿Xiana e a meiga Xela¿ (Belagua, 2023), de Irene Quinteiro con ilustracións de Daniel Barbazán. Duración aprox: 50 min