Minguante canta poesía galega – Minguante

"Minguante canta poesía galega" é un espectáculo de Óscar Martínez e Miguel Alonso. Nel, combinan os seus proxectos sobre poesía galega musicada nun espectáculo acústico onde tamén tocan outros temas e lembran cancións históricas da música galega, que naceron a través da poesía (Aí vén o maio, Volvín á terra pero perdín o amor, Quen poidera namorala..."). É un espectáculo íntimo e directo, que se pode realizar tanto en auditorios como en pequenos espazos. Tamén existe a posibilidade de realizar o espectáculo sen ningún tipo de amplificación en espazos reducidos como bibliotecas, para reforzar o intimismo do concerto.