ECOS DE BREOGÁN – IRIA FOLGADO

ECOS DE BREOGÁN é o debut discográfico da oboísta Iria Folgado (San Sadurniño, Galicia, 1996), solista de corno inglés en Konzerthaus Orchester de Berlín. Unha travesía polo repertorio de música de cámara para óboe composto nas illas británicas no primeiro terzo do século XX por Benjamin Britten, Ralph Vaughan Williams, Arnold Bax e pola compositora Elizabeth Maconchy, xunto á creación contemporánea do galego Fernando Buide del Real. En Ecos de Breogán, Iria Folgado lidera unha formación de cámara integrada polas violinistas Raquel Areal e Sara Areal, xunto a viola de Héctor Cámara e o violonchelo de Iago Domínguez.