MÚSICA TRADICIONAL GALEGA – CORO AIRES DE BERGANTIÑOS

Aires de Bergantiños posúe un amplo repertorio que abrangue diferentes estilos musicais galegos, que van desde foliadas, pandeiradas, maneos, alalás, ou muiñeiras. Tamén interpreta música relixiosa, como misas en galego ou panxoliñas. Na actualidade forman parte do Coro unhas cincuenta e tres persoas que, para as súas actuacións, visten traxes típicos das distintas zonas da xeografía galega, entendendo a variedade e riqueza á hora de vestir dos nosos antergos un signo de identidade da nosa Terra, e tamén de Aires de Bergantiños