CONCERTOS, PASARRÚAS E FOLIADAS – BANDA DE GAITAS SAN XIAO DO TREBO

A Banda de Gaitas San Xiao do Trebo ten as súas orixes no ano 1.989 e está composta actualmente por 18 membros aproximadamente. Leva ás súas costas múltiples actuacións por toda Galicia, Asturias, Madrid, Murcia ou Portugal entre outros. O seu repertorio baséase principalmente en muiñeiras, xotas e pasodobres tradicionais, ademais de rumbas, polcas, valses e xigas de tradición escocesa e irlandesa, aínda que co carácter galego que lle dan os instrumentos e traxes. A Banda é unha fiel defensora das tradicións respecto ós instrumentos que a compoñen e a súa principal característica é o carácter alegre e festivo en tódalas súas actuacións, tanto en pasarrúas como en concertos e foliadas.